رسالة إلي صديقي

تمر الأيام في هذه السنين بسرعة غير مسبوقة يا صديقي فبدا يبدو لي أننا مع سرعة الأيام أصبحت لا أبالي ولا اكترث للأحداث الجارية من حولي، تعرف يا صديقي أيام الطفولة.! حين كان أكبر همنا الحلم أن نحلم أكثر ونتباهي بأحلامنا أتذكر أيام الطفولة يا صديقي وأتذكرك جيدًا كنت أقول بأنني أتمني أن أصير يوما ما “داعية” أو “طبيب” بشري.

image

لم يتحقق ذلك ولن يتحقق يا صديقي لا أعرف حقيقة الأسباب جيدًا. ولكن أؤمن بقضاء الله وقدره جيدًا.

صديقي العزيز لا أريد أن أطيل عليك وأنت في مكان أفضل الآن ولكن أعلم بأنّ العهد بيننا باق سوف احكي لاحفادي يوما ما عني وعنك عن الاحلام عن الخذلان عن الأوهام عن الصراع من أجل البقاء وعن الحب.!

عن الطفولة القاسية عن الغاز المسيل للدموع عن بكاء والدي علي في يوم من الأيام. عن لحظات السعادة وعن أيام الصمود وسنين الصبر والشقاء.

كُن بخير يا صديقي.

* ملحوظة * كتبت التدوينة من خلال الهاتف.

كتب أنتهيت من قراءتها هذا العام ٢٠١٣.

مرحبًا، هذه التدوينة قمتُ بكتابتها لأنه تم تكرار طرح السؤال علي أكثر من مرّة وهو : ما هي الكتب التي أنصح بقراءتها ؟
إليكم ما تحبّون 🙂

أفضل كتب ٢٠١٣

هذه قائمة بالكتب التي قرأتها هذا العام، (١٥ كتاب) ترتيب القائمة حسب الأفضلية من وجهة نظري الشخصية من الأعلي للأسفل.
١- كتاب: الفشل البناءّ، المؤلف (جون سي ماكسويل). اللغة: عربي\إنجليزي.
السعر: الطبعة الأصلية، ٧١ جنيه.
٢- كتاب: صانع الفارق، المؤلف (جون سي ماكسويل). اللغة: عربي\إنجليزي.
السعر: الطبعة الأصلية، ٤٥ جنيه.
٣- كتاب: الخيميائي، المؤلف (باولو كويلو). اللغة: عربي\إنجليزي.
السعر: الطبعة الأصلية، ٣٥ جنيه.
ملحوظة: هناك ٤ كتب قيد القراءة.
أماكن أنصح بشراء الكتب منها، مكتبة ألف.
دور نشر أنصح بإقتناء ترجماتها للكتب: مكتبة جرير.
كتب أتمني إقتنائها في ٢٠١٤ : كل مؤلفات (جون سي ماكسويل & باولو كويلو).
باقي القائمة : http://bit.ly/JZMFDP
بالتوفيق 🙂

صعيدى مع سبق الإصرار والترصد ؟

سلام عليكم ,, خلاص صعيدى ايوة ومع سبق الاصرار والترصد كمان , ومفيش عنوان مثالى غير العنوان دا يمكن الكلام دا هيجى على جرح ناس كتيرة ويمكن ناس كمان ممكن تشتمنى وممكن ناس تلعن اليوم اللى قرت فيه التدوينة دى لكن انا أملى فى ربنا كبير قوى لاصحاب الضمائر فقط ,

دايماً بنشوف الاعلام والجرايد وكل وسائل الاعلام فى مصر ازاى بقت جميلة بعد الثورة وبتهتم بالصعيد ! فعلاً الثورة اثرت تأثير ايجابى على الصعيد وبقى ياخد حقه الاعلامى ,

——

طيب سؤال على هامش الكلام فى الاعلام والصحافة حد يعرف كام عدد محافظات الصعيد ؟

طيب حد يعرف اى محافظة بالصعيد فيها اعلى نسبة ” امية ” فى مصر ؟ طيب سؤال اسهل من كدا هل حد يعرف اكبر جامعة فى الوطن العربى من حيث المساحة والاقدمية ؟ طيب سيبكم من دا كله حد يعرف اكبر مصنع لانتاج الالومنيوم فى الوطن العربى من حيث المساحة فين !!

ما علينا ايه الاسئلة اللى ملهاش طعم دى يا عم الصعيدى انت؟ ما تدخل فى الموضوع وتنجز مش كفايا علينا العيال اللى خربوا البلد وعاوزين يولعوا فيها ؟

—–

حسناً  ندخل فى الموضوع ,,,

انا كشاب صعيدى اتولدت فى اقصى الجنوب بمصر محافظة قنا , شاركت وغيرى شارك فى الثورة باى طريقة او وسيلة كانت وفى شباب كتير وبنات من صعيد مصر من كافة المحافظات شارك فى الثورة العريقة العظيمة ثورة 25 يناير علشان تغيير حرية عدالة اجتماعية  !!!

عدالة اجتماعية , ونحط تحتها الف والف خط احمر وهقولكم ليه

لما يكون فى قرى فى الصعيد معندهاش كهرباء والسد العالى اقرب نقطة ليها ! وفى ذات الوقت محافظات اخرى تستمتع بالكهرباء ليل نهار ! الصعيد مميز بالجو الحار صيفاً والجو البارد شتاءً تخيلوا اسر على قد حالها فى البرد دا من غير كهرباء وضعهم بيكون ازاى ؟

عدالة اجتماعية فى توزيع الكهرباء ايوة واللى حتى الان ما حصلش ومئات من القرى مفهاش كهرباء

عدالة اجتماعية فى الحصول على رغيف العيش ابو 5 قروش اللى علشان واحد زى حالاتى يشتريه لازم اروح للمخبز الساعة 6 الفجر لان المخبز مش بيوزع عيش غير من 6 الصبح لغاية 7 ونص وبعد كدا بح خلاص مفيش عيش تصيم لغاية بكرة وطبعاً فى ذات الوقت الصعيد معروف ومشهور بزراعة القمح , وفى ذات الوقت فى ناس رغيف العيش بيوصلها لغاية باب البيت ! اين العدالة هنا ؟

منذ ايام وانا فى البيت فى بنت صغيرة تقريباً عندها 9 سنين بتعيش فى ” عزبة ” قريبة منى وانا عايش فى مدينة ومجمع سكنى وكانت بتبيع ” خضار ” وبتلف على البيوت وشايلة ” المقطف ” على دماغها وزنه ما يقلش عن 20 كيلوا , سالتها بكل عفوية قليلى يا بنتى انتى نفسك في ايه بعد ما عملنا الثورة دى اكيد انتى سمعتى بيها طبعاً , قالتلى بدون تردد ايوة يا ساعدة البيه كنت بشوف الشباب والثورة على التلفزيون نفسى اشترى العيش فى اى وقت وبسهولة واقدر اكمل تعليمى والاسعار ترخص !!

طبعاً الردود انا متوقع شكلها هيكون ازاى على الموقف دا وان فى ناس كتيرة هتكتب لا يا حبيبى الموضوع منتشر فى كل مصر مش فى الصعيد بس !

انتبهوا يا سادة نحن فى الصعيد لسنا احسن من غيرنا , نحن هنا ننحت فى الصخر , نحن نتقاتل من اجل التوعية وفضح الفساد !

الصورة ليست كما ترونها فى الاعلام القذر او الصحافة المضللة الصورة ليست زاهية كما ترونها دائماً , الموضوع بشع بشع بشع

ايها السادة نحن 9 محافظات

الفيوم

بنى سويف

المنيا

اسيوط

سوهاج

قنا

الاقصر

اسوان

الوادى الجديد

البحر الاحمر

 

{صعيد مصر – ويكيبيديا، الموسوعة الحرة http://bit.ly/zeIJFV }

عدوا يمكن فى محافظات تنتمى للصعيد ولا اعلمها

كل يوم يوم ببكى بدل الدموع دم , كل يوم نفس المنظر بتاع القتال على مخابز العيش , كل يوم نفس البنت اللى بتبيع الخضار وبتلف على البيوت وسابت تعليمها كل يوم قرية جديدة مش وصلها نور كل يوم حرب على اسطوانات الغاز كل يوم ناس بتحارب علشان تحصل على الجنيه فى شغلها

—-

انا مش عايز اسود الصورة فى نظركم لكن الناس بتستهين بالصعيد بل فى ناس بتتعمد انها تظهر الصعيد فى ازهى وانقى صورة

قسماً بربى الصورة اسوأ مما تتخيلون , الناس الغلابة المزراعين الناس اللى على باب الله اللى رزقها يوم بيوم كل الناس دى بتقول بكرة هيكون احلى والحال هيتعدل وحال البلد دى هيتزبط وهيكون فى عيش الناس تشتريه بالساهل فى كهرباء هتوصل لبيوتنا فى مية هتوصلنا وصرف صحى هيوصلنا فى غاز طبيعى هيوصلنا ازمة اسطوانات الغاز هتتحل , الناس بتوصل لمرحلة اليأس هنا كل ما اتكلم مع راجل غلبان على باب الله بيسترزق احياناً بيسب لليوم اللى اتعملت فيه الثورة , كل ما اتكلم مع سواق تاكسى برضه بلاقى احياناً نفس الكلام دا وانا هنا مش بعمم طبعاً انا بسجد كل يوم شكر لله على الثورة ,

—–

لكن من حق الناس تحس باى تغيير يا عالم اى تغيير ولو حتى الاعلام يسلط الضوء على الصعيد بما يرضى الله ويرضى اى بنى ادم زى حالاتى عايش فى الصعيد , قسماً بربى كارثة حين يكون هناك 9 او 10 محافظات بصعيد مصر ولا ينشر خبر او برنامج لهم على القنوات او الجرايد الا فى المصايب او الاسطوانة المشروخة والتى كانت من تأليف النظام البائد ” الفتنة الطائفية ” اين ضمائر المصريين اين من ينادون بالديمقراطية ! اين من يتقاتلون من اجل كراسى البرلمان ! هل سنرى التغيير يوماً ما هل سوف اشترى الخبز ذا ال 4 قروش فى اى وقت احب ؟ ام ليس من حقى ؟ هل الغلابة هيوصلهم نور ومية وهما اقرب ناس للسد العالى !

——

استحلفكم بالله نحن لا نريد مساعدة من احد , نحن نحتاج الى تحكيم ضمائرنا فقط واقامة العدالة الاجتماعية فى مصر بالكامل وليست بعض المحافظات فقط , نريد عدالة فى الاكل فى الشرب فى العمل فى التوعية فى الاعلام فى الصحافة فى فى فى والقائمة كل يوم بتطول اكتر واكتر

——

لما احب اشترى كتاب جديد او احضر فيلم نفسى اتفرج عليه فى سينما او عايز احضر مؤتمر معين او نشاط تنموى معين او لو عايز اشترى قطع غيار للاب توب بتاعى او العربية بتاعة والدى او لما احب اخد منحة معينة من البلد عارفين لازم اعمل ايه لازم اسافر 9 او 8 ساعات للقاهرة علشان اعمل دا كله ! واحياناً اكتر من كدا ومحتاج 150 جنيه مصاريف مواصلات الذهاب والعودة فقط ! طبعاً الكلام دا ميت الف مرة اكتبه واقوله واسمه معروف وفى ناس كتيرة بتعانى منه مش فى محافظات الصعيد بس لا بل فى محافظات الدلتا كمان ودى كانت صدمة وطامة كبرى لما اصحابى اللى فى محافظات الدلتا اشتكوا نفس الشكوى

تباً للـــــمــــركـــــــزيــــــــة ومن يدعمها حتى الان

——

نيجى بقى لاصحاب المبادرات الرائعة والمؤسسات الاروع واللى هقوله دا عانيت منه بناء على تجربتى الشخصية , بمجرد اى مبادرة او منظمة او مؤسسة بتنطلق ربحية او غير ربحية لما تيجى تكلمهم وتقولهم فين الصعيد ! يقولك الله احنا هنموت ونوصل للصعيد هنتجنن وندخل الصعيد وان شاء الله هندخل ونخترق الصعيد بالكامل وخليك متابع معانا لاننا هنحتاج مساعدتك معانا كلام كلام كلام كلام ونيجى وقت الجد لا حياة لمن تنادى وفعلاً اى مؤسسة او منظمة او مبادرة كبيرة بتقول انها عملت انجاز فى الصعيد فانا بتعتبر الكلام دا كدب فى كدب لان الصعيد مش صغير ولا بيت او اتنين او قرية او اتنين او محافظة او اتنين ,,, طبعاً مع كامل احترامى لقلة من المؤسسات والمبادرات اللى فعلاً اخترقت الصعيد وبدأت بجد تساعد فى تنمية وتوعية وتطوير الصعيد ومحافظته

——-

تصدقوا بالله ! لا اله الا الله انا كمحمود جالى عروض شغل كتيرة وخصوصاً الشهر اللى فات دا وبرضه رفضت مش لان الشغل مش عاجبنى لا بقول بكرة هتروق وتحلوا فى الصعيد وما ينفعش اسيب الصعيد كدا وامشى لازم اساهم واطور واساعد فيه على قد ما اقدر وبحاول اعمل تويت اب او ميت اب او اى تجمعات للشباب المبادر وبتنطط كل شوية من محافظة لمحافظة على أمل انى اقدر اساهم فى اى حاجة حتى لو كانت بسيطة انا مش بقول الكلام دا ك كبرياء او فخر الخ لا بس علشان الناس تعرف اننا بننحت فى الصخر انا او غيرى من الشباب , ورد برضه على اللى هيقول ما تبدأ انت بنفسك يا عم الحج وبطل الكلام اللى مليان احباط دا ورد على اى واحد هيشتمنى برضه 😀

——-

اتمنى تفكروا فى الكلمات دى بعد ما قريتوا كل الكلام اللى مالوش لازمة فوق دا لو بتحبوا بلدكم بجد

مركزية
عنصرية
امية
تعليم
خبز
كهرباء
ماء
صرف صحى
غاز طبيعى
توعية
مؤسسات
مبادرات
انشطة
لو شايف ان نشر الكلام دا مهم لغيرك وهيفيد بلدك فى تسليط الضوء على الصعيد انشره

جميع حقوق النشر محفوظة لكل مصرى حر عنده ضمير !

انا دايماً مبتسم حتى شوفو الصورة اللى فوق دى 🙂

انا دايماً بقول بكرة احلى وعندى امل فى ربنا كبير مهما كان الكلام اللى كتبته كله حزن وفقدان للامل لكنها الحقيقة

وبكرة أحلى إن شاء الله

إمضاء صـــعــــيدى

يعنى إيه مركزية ؟ ويعنى إيه مصر !

مرحباً اصدقائى الاعزاء ,, بدون مقدمات كثيرة ربما البعض يجهل اننى من ” صعيد مصر ” اقصى الجنوب من خريطة مصر , وذلك بسبب اننى لم انهى صفحة السيرة الذاتية الخاصة بى حتى الأن .. حدث موقف منذ يومين جعلنى انفجر والقى الضوء على قضية هامة فوجئت بأن العديد من اصدقائى الاعزاء يجهلونها او غير مهتمين بها ,متجاهلين حجم الكوارث التى ممكن ان تسببها هذه القضية وهى تلك القضية المسماة من قديم الازل بــ

” المركزية “

المركزية فى مصر
المركزية فى مصر

وإليكم التفاصيل 

[blackbirdpie url=”http://twitter.com/#!/MidooDj/status/144822726253756416″]

[blackbirdpie url=”http://twitter.com/#!/MidooDj/status/144823124368703488″]

[blackbirdpie url=”http://twitter.com/#!/MidooDj/status/144823865183453185″]

ثم قامت بالرد صديقتى ” بسمة ” من محافظة اسوان اقصى الصعيد بجنوب مصر بهذه التأكيدات

[blackbirdpie url=”http://twitter.com/#!/basmaosman/status/144823831410913280″]

[blackbirdpie url=”http://twitter.com/#!/basmaosman/status/144824885435318272″]

بعد تأكيدى صراحة انفجرت من الغضب حتى لو كانت معلومات صديقتى قابلة ” للخطأ ” فجميع من يعيشون بمناطق الدلتا و صعيد مصر يعلمون مدى قسوة هذه القضية على الملايين من المواطنين بهذه المحافظات التى ساهمت بنصيب الاسد فى نهضة مصر حتى الان وستساهم فى النهضة القادمة , وستأكد لكم الايام بأن نهضة مصر ستنطلق من صعيد مصر لعدة اسباب مهمة , منها كثرة الموارد البشرية فى محافظات صعيد مصر ولنا ان نذكر احصائية هامة ” أكبر محافظة طاردة للسكان محافظة ( سوهاج ) بجنوب مصر ” ومحتلة المركز الأول منذ سنين . بالاضافة إلى ان السبب الثانى هو المساحات الشاسعة بصعيد مصر الصالحة للزراعة وإقامة مشاريع ومصانع ضخمة ولا ننسى مصنع الالومنيوم ” و مصانع ” سكر القصب ” بمحافظات الصعيد ونبض مصر ” نهر النيل ” وحامى مصر العتيق ” السد العالى وقربه من محافظات جنوب مصر . لذلك اوضحت التالى لاصدقائى على موقع التواصل الاجتماعى “ تويتر ” وكل ما كتبته نتيجة اننى ولدت وعشت بالصعيد ومازالت مقيم به .

حسناً اقرأو معى المعلومات التالية وساعدوا فى نشرها بين اصدقائكم ربما نشرك لهذه المعلومات تنقذ الملايين من المصريين بالداخل والخارج . حقوق النشر محفوظة لان هذه المعلومات عن اجتهاد شخصى فيرجى النشر بأسمى. وانا متحمل لاى نتائج.

[blackbirdpie url=”http://twitter.com/#!/MidooDj/status/144825751726854144″]

[blackbirdpie url=”http://twitter.com/#!/MidooDj/status/144826055058915328″]

[blackbirdpie url=”http://twitter.com/#!/MidooDj/status/144826400929628160″]

[blackbirdpie url=”http://twitter.com/#!/MidooDj/status/144826714386726912″]

[blackbirdpie url=”http://twitter.com/#!/MidooDj/status/144826939834773504″]

[blackbirdpie url=”http://twitter.com/#!/MidooDj/status/144827124694532097″]

[blackbirdpie url=”http://twitter.com/#!/MidooDj/status/144827691235934208″]

[blackbirdpie url=”http://twitter.com/#!/MidooDj/status/144828034187395072″]

[blackbirdpie url=”http://twitter.com/#!/MidooDj/status/144828513021722624″]

[blackbirdpie url=”http://twitter.com/#!/MidooDj/status/144829149209559040″]

[blackbirdpie url=”http://twitter.com/#!/MidooDj/status/144829746138714112″]

[blackbirdpie url=”http://twitter.com/#!/MidooDj/status/144830414912102401″]

[blackbirdpie url=”http://twitter.com/#!/MidooDj/status/144830773877407745″]

[blackbirdpie url=”http://twitter.com/#!/MidooDj/status/144831099154087936″]

[blackbirdpie url=”http://twitter.com/#!/MidooDj/status/144831369992863744″]

[blackbirdpie url=”http://twitter.com/#!/MidooDj/status/144831940938309632″]

[blackbirdpie url=”http://twitter.com/#!/MidooDj/status/144834494392844288″]

[blackbirdpie url=”http://twitter.com/#!/MidooDj/status/144834754766843904″]

[blackbirdpie url=”http://twitter.com/#!/MidooDj/status/144835266560008193″]

طبعاً اطلت عليكم ولكن يعلم الله وحده كم نعانى نحن شباب ” صعيد ” مصر وشباب ” الدلتا ” و ” الاقاليم ” من حجم الكارثة والمأساة وكما تقول المقولة الشهيرة ” وما خفى كان اعظم ” قامت بعدها بالرد علي  صديقتى ” أميرة ” من القاهرة بالتالى وبعدها استمريت فى كتابة آخر ما اريد ان اوضحه للجميع .

حسناً اقرأو للنهاية ولا تنسوا نشر كل هذه المعلومات لاصدقائكم .

[blackbirdpie url=”http://twitter.com/#!/Amira_Nosseir/status/144835804643065856″]

[blackbirdpie url=”http://twitter.com/#!/MidooDj/status/144837725546233857″]

[blackbirdpie url=”http://twitter.com/#!/MidooDj/status/144840259618877440″]

انتهيت من طرح بعض اجزاء صغيرة من قضية مهمة ” المركزية فى مصرربما مساعدتك فى نشر هذه القضية يخلق حلول سريعة ,

والسؤال التالى اطرحها على الجميع بدون استثناء :-

هل لاحظت تغيير فى المركزية المتعمدة فى مصر للدلتا وصعيد مصر والتهميش الاعلامى 

لهذه المحافظات الكبيرة ام لا ؟ ولماذا !

انتظر ارائكم وتعقيباتكم

اطيب التحية , محمود

سواق التاكسى الفصيح !

سواق التاكسى الفصيح !
سواق التاكسى الفصيح !

اهلاً بكم , نعم انه السواق الفصيح ! وأقل ما يقال عليه وستثبت لكم التدوينة الاتية وما ساكتبه لكم عن مدى فصاحته , هذه التدوينة قصة حقيقة احداثها حدثت معى اثناء رجوعى من ميدان التحرير منذ اسبوعين , ورحلة عودتى من القاهرة الى صعيد مصر …. ملحوظة التدوينة باللغة العامية

 

 

متابعة قراءة سواق التاكسى الفصيح !

تباً لقمع الحريات , عودة من جديد للتدوين رغم انف الحاقدين !

مرحباً , تدوينة صارخة فى وجه كل وسائل قمع الحريات العربية !

نعم تباً لقمع الحريات منذ حوالى اكثر من 4 شهور تم حجب مدونتى الشخصية على النطاق القديم ” mahmoued.com ” بكل من الدول الاتية ”  الكويت , الامارات , السعودية , البحرين , قطر ” وغالباً توجد دول اخرى ولا اعلمها كان السبب فى حجب مدونتى عن هذه الدول الشقيقة تدوينة خاصة لى كتبتها بعنوان ” سجل أنا عربى ” نعم انا عربى كان لابد من كتابة تلك التدوينة , فأنا اكن اسمى الاحترام لكل اصدقائى فى الدول العربية بلا استثناء وهم من حاولوا مساعدتى فى فك الحجب عن مدونتى السابقة بدون اى مماطلة , ولكن للاسف صدمت بسبب ما حدث واهملت المدونة الى ان تم غلقها وانتهى النطاق القديم , صراحة لا اعرف الى متى ستستمر الحكومات العربية فى قهرنا ! لا احب ان اتحدث عن السياسة فى هذه التدوينة ,, ولكن كلمة من القلب “ كفى ” ؟

متابعة قراءة تباً لقمع الحريات , عودة من جديد للتدوين رغم انف الحاقدين !

شبعانة يا ابنى !

السلام عليكم ورحمة الله وبركاته ,

اتمنى ان تكون بخير وفى افضل حال ان شاء الله

شبعانة يا بانى ” عنوان غريب بعض الشىء ولكن ركز معى والفت انتباهك فى القراءة لعل وعسى تستفيد منى فى مثل هذه اﻻمور بالأمس كان معى لقاء انا واﻻخوة اﻻصدقاء للناقش بعض اﻻمور الخاصة بنا والمشاريع التى سنقبل عليها ان شاء الله تعالى فى القاهرة واحب ان اوجه لهم كلمة شكر وتحية وتقدير على هذا اليوم اﻻكثر من رائع فعلا شباب عربى مصرى مشرف ” بحر نصر الدين – مدير التسويق والمبيعات بشركة هنداوى الدولية ” و ايضا , ” انس عماد – مدير التسويق بشركة تدبر للبرمجيات اﻻسلامية ” وايضاً ” محمد سيف  – مبرمج ASP محترف وصاحب شركة برمجيات خاصة ” هؤلاء الثلاثة ﻻ استطيع ان امر باسمائهم هكذا مرور الكرام فهم من وجة نظرى من عباقرة الويب العربى ولعل وعسى اﻻيام بيننا

سيدة عجوز مصرية

متابعة قراءة شبعانة يا ابنى !

اراكم ﻻحقاً 2010

مرحباً

بعد دقائق معدود ينتهى عاماً كاملاً ان شاء الله مر علينا كانه الف عام او كأنها مجرد لحظة عابرة

نعم كان ملىء باﻻحداث السعيدة لنا وباﻻحداث المفجعة لغيرنا ايضاً ولكن تستمر عجلة الحياة والة الزمن دوت توقف من المولى عزوجل

2010
2010

واتمنى من الله تعالى ان يكون العام القادم أفضل للجميع

اضغط على قراة المزيد لمتابعة التدوينة

متابعة قراءة اراكم ﻻحقاً 2010

اهل كايرو

السلام عليكم ورحمة الله وبركاته ,

وحشتونى جدا  جدا جداً ,

التدوينة دى هتكون باللغة العربية العامية المصرية القاهرية البحتة لذا وجب التنويه

اولآ: اتقدم بالاعتذار لكافة متابعى المدونة عن قلة التدوين وهذا بسبب ظروف العمل الجديدة والسفر الى القاهرة واتمنى ان تدعو لى بالتوفيق فى العمل الجديد

ثانيا: هذه التدوينة عن احداث حقيقية حدثت لى ومازالت تحدث هنا ب القاهرة ولا يوجد بها اى مبالغة او اساءة الى اى بلد او محافظة فقط احببت ان افرغ ما لدى بمدونتى

وان تشاركونى الحوار فلنبدأ على بركة الله

زحمة

بداية مدة سفرى من المحافظة التى اعيش بها الى القاهرة بالقطار هى بمعدل 8 – الى – 9 ساعات تقريبا وساعات بتوصل ل 12 ساعة لو امك داعية عليك يا خويا

وصلنا الحمدلله وكله تمام والرطوبة كان من شهر حاجة عجب العجاب يعنى الساعة 5 العصر وفى شبورة وحاجة غريبة تحس انك داخل مستنقع او فى كهف ومليان بخار

احساس غريب لاى واحد عايش فى الصعيد بعيداً عن الرطوبة دى .. ما علينا المهم وصلنا وكله تمام الحمدلله طبعا كالعادة المية فى النهار بتكون ضعيفة جدا ..

يعنى اللى عايز ياخد شاور يلم نفسه وياخده بالليل … هتقولى ركب ماتور علشان يسحب المية ! كان غيرك اشطر القاهرة كلها مركبة مواتير يعنى هى هى الحكاية فبلاش فهلوة من اول التدوينة واسمع الكلام للاخر يا خويا وما تعصبش نفسك البلاوى جايه فى الطريقة

متابعة قراءة اهل كايرو

تجربة حياه ج1

السلام عليكم ورحمة الله وبركاته ,,

كل عام وانت بخير ونحن فى العشر الاواخر من شهر رمضان لهذا العالم اسأل الله العلى القدير رب العرش العظيم ان

يجعلنا تحت ظله يوم لا ظل الا ظله وان يرحمنا ويجعل مثوانا الجنة ان شاء الله تعالى 🙂

تجربة حياه ( الجزء الاول ) هى قصص قصيرة عن بدايتى على الشبكة العنكبوتية من صعيد مصر المهمل وحتى يومنا هذا

وما وصلت اليه وما لم اصل اليه واناضل واكافح من اجل الوصول اليه .. سأروى بالتفصيل الممل عدة مواقف ومشاريع

وازمات الخ ,, واتمنى ان تعجبكم التدوينة والتى سيكون لها بقية ان شاء الله ,, ف بسم الله نبدأ 🙂

تجربة حياة

لم يكن فى الحسبان ان يأتى يوما وانا الان استطيع فى بضع ثوانى انهاء الاعدادات الاولية لاى موقع انترنت على الويب

به اهم الاساسيات التى يحتاجها الزائر والعضو والمدير للموقع !! كيف ومتى واين ولماذا .. دعونى اشرح لكم وبالتفصيل

البداية المضحكة !! ؟ 🙂 متابعة قراءة تجربة حياه ج1