أرشيفات الوسوم: صعيد مصر

ومضة إلهام في عصر الظلام ! (كفيف) .

مرحباً متباعين و اصدقاء مدونتي الكرام، هذه التدوينة بمذاق خاص و اجتهدت فيها لتظهر في النهاية بالشكل المناسب، فأتمني من كل من سيقرأها ان ينشرها لأصدقائه حتي تعم الفائدة علي الجميع و ننهض بوطننا العربي …

في البداية اهدي لكم هذه القصيدة الرائعة

لا لا لا تقل أني معاق مد لي كف الاخوة
ساترا ني في السباق اعبر الشوق بقوة

ما العمى أن تفقد العين الضياء
العمى أن تفقد النفس الأمل
والذي يسمع أصوات الرجاء
لا يبالي إن عرى السمع كلل

لا لا لا تقل أني معاق مد لي كف الاخوة
ساترا ني في السباق اعبر الشوق بقوة

رب طفل مقعد ليس يسير
ذكره يسبح مابين الغيوم
و أمانيه إلى الشمس تطير
ومراميه تناجيها النجوم

لا لا لا تقل أني معاق مد لي كف الاخوة
ساترا ني في السباق اعبر الشوق بقوة

أودع الرحمن أرواح العباد
طاقة هازئة بالمستحيل
فإذا ما لامست عزم الفؤاد
حققت كل عظيم وجليل

قصيدة رائعة من روائع الدكتور غازي القصيبي

حسناً هيا بنا نبدأ ،

 

مرحباً صديقي العزيز محمد ،، واتمني ان تكون بصحة جيده
في البداية اشكرك علي قبول استضافتي لك في مدونتي الشخصية المتواضعه ، وفي البداية

اولاً : اود ان تعرفنا عليك
ما اسمك وما هو عمرك ووظيفتك الحالية وإين تعيش ؟ وطبعاً ما هي حالتك الاجتماعيه (متزوج ام اعزب) ولك الحرية في عدم الاجابه عن اي نقطة 
ج . الأسم محمد صابر علي ابو طالب ،العمر 23 سنة ،العمل مدرب كمبيوتر للمكفوفين بجامعة سوهاج متعاقد ، الاقام محافظة سوهاج بصعيد مصر، الحالة الاجتماعية اعزب .

ثانياً : الكثير من الشباب التقنيين والمهتمين بالتكنولوجيا و ريادة الاعمال اليوم لا يعلم كيف يستخدم (الكفيف) التقنيات الحديثة و الانترنت والمواقع الاجتماعيه، فهل حدثتنا قليلاً
عن من علمك الوصول لذلك ، وبعدها تشرح لنا علي سبيل المثال كيفية استخدام موقع التواصل الاجتماعي (تويتر) للمكفوفين ؟

ج . بدأت فكرة تعلمي للحاسوب عن طريق صديق لي كفيف ايضا كان يسافر للقاهرة كثيرا وبعد فترة حدثني عن انه هناك برامج ناطقة للكمبيوتر ، المهم كان اصغر مني سنا وبعد ان احضر لي البرنامج و كتب لي طريقة تثبيته (برايل) اخذت الـ (  CD ) للمنزل وبدأت اتابع ، حتى لا اطيل في التفاصيل بعد ما بدأت التثبيت كانت امكانات الجهاز ضعيفة فتوقف فترة ،المهم الجميع في البيت ينتظر الجهاز الذي سيتكلم وانا (مبلم) تائه اصلا وطالت الفترة و بعد حوالي ربع ساعة كنت خلاص انهمرت في البكاء لاني منظري في البيت سيء جدا وحين سمعته يقول فنش (انتهي تثبيت البرنامج) اتنططت من الفرحة والسرور بالتأكيد رددت عبارة ( انا صح ) كتييير جدا وكان عندي خلفية مسبقة عن الكيبورد من اخي الذي يصغرني سنا الحروف فقط لكن المفاتيح الوظيفية ليست تعنيه بعد ذلك بدأت (اعافر) اجتهد لوحدي مرة تصيب ومرة تخيب ، ومن هنا انطلقت وسبب اني تعلمت تنزيل نظام التشغيل وندوز اني كنت كبير مخربيه بسبب تخبيطي الكبير ،

أما عن موقع التواصل الاجتماعي (تويتر) بدأت تعاملي معه  من قبل الثورة من حوالي سنتين تقريبا حين قررت اقتحام موقعين الشبكات الاجتماعية ( تويتر و فيس بوك ) وقمت بتسجيل عدة محاضرات في الفيس بوك وما زالت موجودة على المواقع الخاصة بنا ، المهم (تويتر) كنت عامل حساب اخبط به وتعلمته وكان من المتصفح بشكل عادي لحد ما نزلت تقنية برنامج يسهل عمل (تويتر) معي فعملت حساب جديد هو ما تعرفت عليك من خلاله @love_life2012

ثالثاً : ما هي الصعوبات التقنية التي تواجهها في استخدام الانترنت كـ (كفيف) وكيف تتغلب عليها ؟ و هل هناك نصائح فنية لاصحاب المواقع علي الانترنت لتسهيل عملية التصفح للمكفوفين ؟
ج .    بالطبع هناك صعوبات في تصفح الانترنت وخصوصا (المواقع العربية) فهي لا تراعي انه هناك {مكفوفين} يستخدمونها اصلا ،و تكون ليست فعالة بشكل كامل وواضح في عملها اي انها غير فاعلة معي ، طريقة حل هذه المشكلة ان يخفف من ( الصور )او ( الاشياء التي ليست لها داعي ) ويجعله اكثر فاعلية من ناحية (الكيبورد) لوحة المفاتيح .

رابعاً : سؤال شخصي هل ساعدتك جهات حكومية في (مصر) لتصل إلي ما وصلت إليه ؟ وإن كانت الاجابة بنعم اشرح لنا بالتفصيل الخطوات التي يمكن ان يطبقها اي شخص (كفيف) ليكون مواكب للتكنولوجيا ولا يشعر بأنه شخص غريب علي هذا الكوكب. وإن كانت الاجابه بــ لا فما هي ارشادتك ورسالتك للجهات الحكومية.
ج . بالطبع لا والارشادات هي كالتالي    

العمل على تعليمنا الكمبيوتر والوسائل الحديثة ،توفير أماكن مخصصة لتدريب المكفوفين في الصعيد تحديدا وتكون تابعة للدولة واشهد بالحق اول مقر حكومي فكر في ذلك جامعة سوهاج بعمل مركز لتدريب المكفوفين فيها وهو ما اعمل به اسمه (مركز نور البصيرة للمكفوفين وضعاف البصر) ومقره بالمدينة الجامعية فرع بنين والفرع الثاني منه المدينة الجامعية بنات .
اما عن الخطوات التي يجب ان يتبعها الكفيف لكي يكون مواكب للتكنولوجيا هي 
أولا عليه ان يبحث عن شخص منا ويتعلم منه البدايات التي تمكنه من الحركة العادية على الجهاز.
ثانيا عليه ان يأتي بجميع المحاضرات الخاصة بالكمبيوتر من المواقع الخاصة بنا حتى يتعلم منها .
ثالثا عن نفسي افضل طريقة هي طريقة (التخبيط) او ان اعرف واستكشف لوحدي بعد الاساسيات وهذه الطريقة افضلها بسبب اننا حين نجد شيء يساعدنا نتكل عليه مثلا عندي مشكلة في الفيس بوك في موضوع معين اروح اسمع المحاضرة بدون ما اشوف ما هو الحل بنفسي يعني اتكالية كاملة .
بطبع هذه الخطوات من وجهة نظري المتواضعة التي لا قيمة لها والخطوة الأخيرة هذه تجربتي انا الشخصية البحتة .

خامساً : البعض من رواد الاعمال واصحاب المشاريع الصغيرة يعتقدون انهم لا يستطيعون بداية مشروع صغير في اصعب الظروف و بأقل الامكانات، ماذا تحب ان تقول لهم من نصائح كرائد اعمال (كفيف) ومن صعيد مصر ووصل لما وصل إليه الان ؟
ج . الكلام هنا يختصر في كلمتين لو كل شخص اتخذ من ظروفه حجة لم نتقدم والواقع يشهد فبرجاء عدم استخدام شماعة الظروف لانها اصبحت شماعة سيئة ومنظرها بايخ جدا .

سادساً : هل تري ان رواد الاعمال في الوطن العربي والتقنيين العرب سينافسون في يوم من الايام الغرب لما وصلوا إليه من تقنيات حديثة ؟ اترك لك مساحه حرة للاجابة علي هذا السؤال.
ج . بالطبع يمكن جدا فمثلا منا المبرمجين الذين يعملون مع شركات البرامج الناطقة او التي تسهل علينا عمل الكمبيوتر ولك انا مثلا في فريق تطوير احد هذه البرامج والوحيد من الشرق الاوسط والعرب عموما وهذا ليس لمدح ذاتي لكن هو الواقع وللملاحظة هذا الفريق كلهم مبصرون ولا يعلمون حتى الآن منذ حوالي سنتين اني كفيف اصلا .

سابعاً : السؤال الذي يدور في معظم اذهان القراء الان هو كيف اقنع صديقي الكفيف ان يتعلم استخدام الحاسوب والانترنت وما هي {الخلطة السحرية} لاقناعه بذلك ؟ 
ج . هذا السؤال جميل جدا وهي النقطة البارزة في تغيير حياة الكفيف لسبب انها تعوض لديه كم فراغ الوقت الذي يحس به لانك تعلم حساسية غالبية المكفوفين في الخروج لوحدهم ،المهم الطريقة السحرية هي تقدم له نماذج منا تعمل على الانترنت وليست تكون كلاما تكون فعلا عن طريق ندوات او كُرسات لنا ويكون من يعلمه هو النموذج المراد الاحتياذ به وهذه الطريقة معروفة حتى عن طريق الانترنت وذلك باستخدام برامج المحادثات المشهورة والمعروفة .

وما هي الاستفادة التي ستعود عليه كـ كفيف !
ج . الاستفادة التي ستعود عليه كثيرة جدا 
أولا ستكسر لديه دافع العزلة والوحدة والخوف .
ثانيا ستجعله اكثر ثقة بنفسه وواقعية وفاعلية ونشاط .
ثالثا ستكسبه احتراما لنفسه ولقدراته ولامكاناته .

في النهاية سؤال سياسي وفي جملة مختصرة هل انت متفائل  بالاوضاع القادمة في الشرق الاوسط خاصة بعد حدوث ثورات الربيع العربي ؟

ج . بصراحة انا متفائل جدا لسبب اني أرى انه لولا شباب مخلصين لبلدهم ما كانوا ولا كانت هذه الثورات ودعني اقول لك بصراحة على الرغم من انها يشوبها عيوب كثيرة جدا لكن ما زلت متفائل جدا على الرغم من تجاهل الذين يسمون (بالنشطاء السياسيين) دور { ذوي الاحتياجات الخاصة } و حتى من هم يدعون انفسهم المسؤولين وحتى على الواقع المصري تجاهل (المرشحين لرئاسة الجمهورية) لنا وحتى من معه ناس منا لا يهتم (بالاقاليم) ك صعيد مصر بل هي ناس مشهورة جدا ومن العاصمة وهذه الناس طبعا ممكن اكون انا نفسي لا اعرفها لكن معروفة للقاهريين وتكون دكاترة جامعات لكن هل نظر مثلا للطلاب او للموظفين او …………الخ 

لك مني جزيل الشكر محمود 
شكرا لك استاذي على الاهتمام بي ومحاولتك الاقتراب مني اكثر وبشكل افخر به اني اعرفك

 

وكالعادة ممكن تأخذ الردود والاسئلة الخاصة بهذا الموضوع ونخصص على مدونتك يوم تعطيني فيه الاسئلة واعطيك ردها حتى مثلا يكون كل خميس من كل اسبوع وانا على صدر رحب من الرد على اي سؤال بدون خجل او خوف او من يريد التواصل معي عن اي سؤال معك انت طريقة التواصل معي 
اخيك الصغير والمحب لك دائما
         محمد ابو طالب

 

اترك لكم التعليقات و الاسئلة 🙂

اطيب التحية محمود

صعيدى مع سبق الإصرار والترصد ؟

سلام عليكم ,, خلاص صعيدى ايوة ومع سبق الاصرار والترصد كمان , ومفيش عنوان مثالى غير العنوان دا يمكن الكلام دا هيجى على جرح ناس كتيرة ويمكن ناس كمان ممكن تشتمنى وممكن ناس تلعن اليوم اللى قرت فيه التدوينة دى لكن انا أملى فى ربنا كبير قوى لاصحاب الضمائر فقط ,

دايماً بنشوف الاعلام والجرايد وكل وسائل الاعلام فى مصر ازاى بقت جميلة بعد الثورة وبتهتم بالصعيد ! فعلاً الثورة اثرت تأثير ايجابى على الصعيد وبقى ياخد حقه الاعلامى ,

——

طيب سؤال على هامش الكلام فى الاعلام والصحافة حد يعرف كام عدد محافظات الصعيد ؟

طيب حد يعرف اى محافظة بالصعيد فيها اعلى نسبة ” امية ” فى مصر ؟ طيب سؤال اسهل من كدا هل حد يعرف اكبر جامعة فى الوطن العربى من حيث المساحة والاقدمية ؟ طيب سيبكم من دا كله حد يعرف اكبر مصنع لانتاج الالومنيوم فى الوطن العربى من حيث المساحة فين !!

ما علينا ايه الاسئلة اللى ملهاش طعم دى يا عم الصعيدى انت؟ ما تدخل فى الموضوع وتنجز مش كفايا علينا العيال اللى خربوا البلد وعاوزين يولعوا فيها ؟

—–

حسناً  ندخل فى الموضوع ,,,

انا كشاب صعيدى اتولدت فى اقصى الجنوب بمصر محافظة قنا , شاركت وغيرى شارك فى الثورة باى طريقة او وسيلة كانت وفى شباب كتير وبنات من صعيد مصر من كافة المحافظات شارك فى الثورة العريقة العظيمة ثورة 25 يناير علشان تغيير حرية عدالة اجتماعية  !!!

عدالة اجتماعية , ونحط تحتها الف والف خط احمر وهقولكم ليه

لما يكون فى قرى فى الصعيد معندهاش كهرباء والسد العالى اقرب نقطة ليها ! وفى ذات الوقت محافظات اخرى تستمتع بالكهرباء ليل نهار ! الصعيد مميز بالجو الحار صيفاً والجو البارد شتاءً تخيلوا اسر على قد حالها فى البرد دا من غير كهرباء وضعهم بيكون ازاى ؟

عدالة اجتماعية فى توزيع الكهرباء ايوة واللى حتى الان ما حصلش ومئات من القرى مفهاش كهرباء

عدالة اجتماعية فى الحصول على رغيف العيش ابو 5 قروش اللى علشان واحد زى حالاتى يشتريه لازم اروح للمخبز الساعة 6 الفجر لان المخبز مش بيوزع عيش غير من 6 الصبح لغاية 7 ونص وبعد كدا بح خلاص مفيش عيش تصيم لغاية بكرة وطبعاً فى ذات الوقت الصعيد معروف ومشهور بزراعة القمح , وفى ذات الوقت فى ناس رغيف العيش بيوصلها لغاية باب البيت ! اين العدالة هنا ؟

منذ ايام وانا فى البيت فى بنت صغيرة تقريباً عندها 9 سنين بتعيش فى ” عزبة ” قريبة منى وانا عايش فى مدينة ومجمع سكنى وكانت بتبيع ” خضار ” وبتلف على البيوت وشايلة ” المقطف ” على دماغها وزنه ما يقلش عن 20 كيلوا , سالتها بكل عفوية قليلى يا بنتى انتى نفسك في ايه بعد ما عملنا الثورة دى اكيد انتى سمعتى بيها طبعاً , قالتلى بدون تردد ايوة يا ساعدة البيه كنت بشوف الشباب والثورة على التلفزيون نفسى اشترى العيش فى اى وقت وبسهولة واقدر اكمل تعليمى والاسعار ترخص !!

طبعاً الردود انا متوقع شكلها هيكون ازاى على الموقف دا وان فى ناس كتيرة هتكتب لا يا حبيبى الموضوع منتشر فى كل مصر مش فى الصعيد بس !

انتبهوا يا سادة نحن فى الصعيد لسنا احسن من غيرنا , نحن هنا ننحت فى الصخر , نحن نتقاتل من اجل التوعية وفضح الفساد !

الصورة ليست كما ترونها فى الاعلام القذر او الصحافة المضللة الصورة ليست زاهية كما ترونها دائماً , الموضوع بشع بشع بشع

ايها السادة نحن 9 محافظات

الفيوم

بنى سويف

المنيا

اسيوط

سوهاج

قنا

الاقصر

اسوان

الوادى الجديد

البحر الاحمر

 

{صعيد مصر – ويكيبيديا، الموسوعة الحرة http://bit.ly/zeIJFV }

عدوا يمكن فى محافظات تنتمى للصعيد ولا اعلمها

كل يوم يوم ببكى بدل الدموع دم , كل يوم نفس المنظر بتاع القتال على مخابز العيش , كل يوم نفس البنت اللى بتبيع الخضار وبتلف على البيوت وسابت تعليمها كل يوم قرية جديدة مش وصلها نور كل يوم حرب على اسطوانات الغاز كل يوم ناس بتحارب علشان تحصل على الجنيه فى شغلها

—-

انا مش عايز اسود الصورة فى نظركم لكن الناس بتستهين بالصعيد بل فى ناس بتتعمد انها تظهر الصعيد فى ازهى وانقى صورة

قسماً بربى الصورة اسوأ مما تتخيلون , الناس الغلابة المزراعين الناس اللى على باب الله اللى رزقها يوم بيوم كل الناس دى بتقول بكرة هيكون احلى والحال هيتعدل وحال البلد دى هيتزبط وهيكون فى عيش الناس تشتريه بالساهل فى كهرباء هتوصل لبيوتنا فى مية هتوصلنا وصرف صحى هيوصلنا فى غاز طبيعى هيوصلنا ازمة اسطوانات الغاز هتتحل , الناس بتوصل لمرحلة اليأس هنا كل ما اتكلم مع راجل غلبان على باب الله بيسترزق احياناً بيسب لليوم اللى اتعملت فيه الثورة , كل ما اتكلم مع سواق تاكسى برضه بلاقى احياناً نفس الكلام دا وانا هنا مش بعمم طبعاً انا بسجد كل يوم شكر لله على الثورة ,

—–

لكن من حق الناس تحس باى تغيير يا عالم اى تغيير ولو حتى الاعلام يسلط الضوء على الصعيد بما يرضى الله ويرضى اى بنى ادم زى حالاتى عايش فى الصعيد , قسماً بربى كارثة حين يكون هناك 9 او 10 محافظات بصعيد مصر ولا ينشر خبر او برنامج لهم على القنوات او الجرايد الا فى المصايب او الاسطوانة المشروخة والتى كانت من تأليف النظام البائد ” الفتنة الطائفية ” اين ضمائر المصريين اين من ينادون بالديمقراطية ! اين من يتقاتلون من اجل كراسى البرلمان ! هل سنرى التغيير يوماً ما هل سوف اشترى الخبز ذا ال 4 قروش فى اى وقت احب ؟ ام ليس من حقى ؟ هل الغلابة هيوصلهم نور ومية وهما اقرب ناس للسد العالى !

——

استحلفكم بالله نحن لا نريد مساعدة من احد , نحن نحتاج الى تحكيم ضمائرنا فقط واقامة العدالة الاجتماعية فى مصر بالكامل وليست بعض المحافظات فقط , نريد عدالة فى الاكل فى الشرب فى العمل فى التوعية فى الاعلام فى الصحافة فى فى فى والقائمة كل يوم بتطول اكتر واكتر

——

لما احب اشترى كتاب جديد او احضر فيلم نفسى اتفرج عليه فى سينما او عايز احضر مؤتمر معين او نشاط تنموى معين او لو عايز اشترى قطع غيار للاب توب بتاعى او العربية بتاعة والدى او لما احب اخد منحة معينة من البلد عارفين لازم اعمل ايه لازم اسافر 9 او 8 ساعات للقاهرة علشان اعمل دا كله ! واحياناً اكتر من كدا ومحتاج 150 جنيه مصاريف مواصلات الذهاب والعودة فقط ! طبعاً الكلام دا ميت الف مرة اكتبه واقوله واسمه معروف وفى ناس كتيرة بتعانى منه مش فى محافظات الصعيد بس لا بل فى محافظات الدلتا كمان ودى كانت صدمة وطامة كبرى لما اصحابى اللى فى محافظات الدلتا اشتكوا نفس الشكوى

تباً للـــــمــــركـــــــزيــــــــة ومن يدعمها حتى الان

——

نيجى بقى لاصحاب المبادرات الرائعة والمؤسسات الاروع واللى هقوله دا عانيت منه بناء على تجربتى الشخصية , بمجرد اى مبادرة او منظمة او مؤسسة بتنطلق ربحية او غير ربحية لما تيجى تكلمهم وتقولهم فين الصعيد ! يقولك الله احنا هنموت ونوصل للصعيد هنتجنن وندخل الصعيد وان شاء الله هندخل ونخترق الصعيد بالكامل وخليك متابع معانا لاننا هنحتاج مساعدتك معانا كلام كلام كلام كلام ونيجى وقت الجد لا حياة لمن تنادى وفعلاً اى مؤسسة او منظمة او مبادرة كبيرة بتقول انها عملت انجاز فى الصعيد فانا بتعتبر الكلام دا كدب فى كدب لان الصعيد مش صغير ولا بيت او اتنين او قرية او اتنين او محافظة او اتنين ,,, طبعاً مع كامل احترامى لقلة من المؤسسات والمبادرات اللى فعلاً اخترقت الصعيد وبدأت بجد تساعد فى تنمية وتوعية وتطوير الصعيد ومحافظته

——-

تصدقوا بالله ! لا اله الا الله انا كمحمود جالى عروض شغل كتيرة وخصوصاً الشهر اللى فات دا وبرضه رفضت مش لان الشغل مش عاجبنى لا بقول بكرة هتروق وتحلوا فى الصعيد وما ينفعش اسيب الصعيد كدا وامشى لازم اساهم واطور واساعد فيه على قد ما اقدر وبحاول اعمل تويت اب او ميت اب او اى تجمعات للشباب المبادر وبتنطط كل شوية من محافظة لمحافظة على أمل انى اقدر اساهم فى اى حاجة حتى لو كانت بسيطة انا مش بقول الكلام دا ك كبرياء او فخر الخ لا بس علشان الناس تعرف اننا بننحت فى الصخر انا او غيرى من الشباب , ورد برضه على اللى هيقول ما تبدأ انت بنفسك يا عم الحج وبطل الكلام اللى مليان احباط دا ورد على اى واحد هيشتمنى برضه 😀

——-

اتمنى تفكروا فى الكلمات دى بعد ما قريتوا كل الكلام اللى مالوش لازمة فوق دا لو بتحبوا بلدكم بجد

مركزية
عنصرية
امية
تعليم
خبز
كهرباء
ماء
صرف صحى
غاز طبيعى
توعية
مؤسسات
مبادرات
انشطة
لو شايف ان نشر الكلام دا مهم لغيرك وهيفيد بلدك فى تسليط الضوء على الصعيد انشره

جميع حقوق النشر محفوظة لكل مصرى حر عنده ضمير !

انا دايماً مبتسم حتى شوفو الصورة اللى فوق دى 🙂

انا دايماً بقول بكرة احلى وعندى امل فى ربنا كبير مهما كان الكلام اللى كتبته كله حزن وفقدان للامل لكنها الحقيقة

وبكرة أحلى إن شاء الله

إمضاء صـــعــــيدى

احداث اشتباكات جرجا

مرحباً , كل عام وانتم بخير ! هذه التدوينة ملخص لكافة ما حدث بجرجا منذ اندلاع الاشتباكات والتغطية التى قمت بها والانتهاكات التى حدثت من الجيش والشرطة العسكرية والامن المركزى للمعتصمين من اهالى شهداء جرجا ….

اذن فلنبدأ : بداية الاحداث

أول خبر على تويتر لاحداث جرجا
أول خبر على تويتر لاحداث جرجا

فجأة وبدون سابق انذار حدث ما كتبته على تويتر عبر هذا الرابط , وهو انه تحدث مجزرة الان بجرجا وتم قطع السكة الحديد للقطارات من اهالى جرجا الغاضبون ماذا يحدث وما سبب هذا الغضب العارم وما هى المشكلة من الاصل , حسناً اليكم تفاصيل المشكلة بقلم أحمد حسين الأحمدى من هنا ,

للاسف الشديد انتهكت الشرطة العسكرية والامن المركزى حرية التعبير كما يقولون وقامت بفض اعتصام اهالى الشهداء والمصابين بالقنابل المسيلة للدموع والتى اطلقتها بغزارة على الاهالى وادت الى سقوط خمسة افراد اختناقاً ….

وهذه بعض ملفات الفيديو التى قمت برفعها

———————————————-



—-


—-


—-

—-

———————————————-

مداخلتى على قناة 25 تى فى عن احداث جرجا


———————————————-

ارشيف لبعض التحديثات من تويتر عن احداث جرجا

MidooDj’s Archive on #Gerga from:midoodj Containing 284 Tweets; http://archivist.visitmix.com/MidooDj/6

 

——————————————–

لا اعرف الى متى سينتهى القمع ببلدنا !

صراحة بدأت فى فقدان الامل !! ما رأيكم انتم !